خلطه هنديه رهيييييييييبه لتطويل الشعر
النهارده جبتلكوا خلطه تحفه بجد
كنت شايفاها في منتدي تاني وصاحبه الوصفه كانت واخدها من وحده هنديه وبتقول انها مع الاستمرار
طولت شعرها
انا شعري قصير ونفسي اطوله لحد اخر ظهري فقلت اجربها
وجربتها مره وحده بس وطبعا مفيش حاجه بتبان من مره
لان الوصفه الصراحه مكنتش طايقه الريحه
وكمان انا كسلانه ففكرت دلوقتي وقولت اقولكوا عشان الكل يستفاد وكمان
عشان تشجعوني ونعملها مع بعض ونشوف النتيجه
لانها بجد شكلها تحفه وخصوصا انها وصفه هنديه والكل عارف شعر الهنود طبعا
ها مين هيجربها معايا
لو عوزتوها بجد قولولي وانا اكتبها واعملها معاكوا
بس عاوزه تشجيع جامد
الخلطه عباره
2 معلقه سدر مطحون
2 معلقه خميره
2معلقه عسل
خيارتين واعصريهم في الخلاط بكاس ماء
الطريقه
تجيبي الخيار وتعصريه في الخلاط بعد كده تحطي السدر والخميره والعسل وتستني ساعه لحد ماتخمر
وبعد كده تحطي صفار بيضه وتحطيها علي شعرك لمده ساعه اتنين
علي حسب ومفروض اقل حاجه مرتين في الاسبوع
وانا زودت من عندي حاجه عشان االنتيجه تبقي اسرع قلت احط مع السدر عشبه المشهوره اللي اسمها الاس
ايه عجبتكوا ولا لا
ومين هيعملها معايا عشان نشجع بعضنا بجد ونحصل علي نتايج هايله
اه نسيت اقولكوا مفروض ان لما نغسل شعرنا بعد الوصفه منغسلوش بشامبوا
وطبعا هتقولوا الريحه وكده ممككن بعد منغسل شعرنا نعمل حمام زيت من اي نوع او مجموعه زيوت وتسبيها الوقت اللي يريحك
حتي لو ساعه وبعدها اغسلي شعرك بشامبوا الريحه هتروح علي طول
بس اللي كسلانه زيي كده ممكن تغسل شعرها بشامبوا عادي من اول مره
بس يلا نشجع بعضنا احنا ورانا ايه يعني
موضوع: خلطه هنديه رهيييييييييبه لتطويل الشعر 