العمر : 63 الموقع : http://saatelassary.ahlamontada.com/
موضوع: قصيدة وسط الزحام الثلاثاء فبراير 02, 2010 9:16 am
وسط الزحام شعر : محمد ضباشه
وسط الزحام انا شوفت أيه حاجات كتير لها العجب ناس بتسرق عمر ناس ماشين تاهين من التعب وناس تشوفها بوجه أبو بكر لكن بقلب أبو لهب وناس طمعها نار بتاكل احلام غلابه بتتكتب وناس كل همها على ناس ألاعيب كتيرة بتتلعب وناس حقوده قاعده تقول ملك الملوك اذا وهب وناس أكيد وسط الزحام قلوبها لسه من دهب
وناس حاكمة ومحكومة واللى حاكمها اكيد جنيه تبوس أيادى وتتقرب لأى ندل وتقول يابيه وناس بتدور على أمل وبأى حاجة بتشتريه وناس بثور من الغضب وناس بتقول فى أيدينا ايه وناس تسأل عن الماضى والشكوى خارجة تقولى ليه وناس بتلعن أبو الحاضر والجشع والطمع اللى فيه
وتعالى أنت وشوف معايا أطفال بريئه وسط الزحام فرشوا الرصيف تحت الكبارى وعملوا منه ابراج حمام أطفال بريئة تاهوا منا وعايشين حيارى فى الضلام والاسرة غايبة والحكومة تسمع تقول كله تمام لا قلوب بترحم ولا ايد تساعد ولا حد فى أيديه الزمام والتشرد والبلطجه خدوها حرفة وزعيم عصابه أصبح أمام لما الجريمة زادت كتير وقلنا على الدنيا السلام
وشباب كتير وسط الزحام تشوفه ماشى عيان بيان لا له وطن ولا هويه ولا سكن ولا عنوان لكن ملامحهم أكيد مصرية ومن فصيلة الأنسان ويد خفيه وحاجة غلط رمتهم فى سكة الادمان مرسومه على وجوهم صور يأس وخوف مليانه بالاحزان وصابهم كمان خيبة الأمل ومشيوا فى الطريق عميان
موضوع: رد: قصيدة وسط الزحام الإثنين فبراير 08, 2010 9:28 pm
وشباب كتير وسط الزحام تشوفه ماشى عيان بيان لا له وطن ولا هويه ولا سكن ولا عنوان لكن ملامحهم أكيد مصرية ومن فصيلة الأنسان ويد خفيه وحاجة غلط رمتهم فى سكة الادمان مرسومه على وجوهم صور يأس وخوف مليانه بالاحزان وصابهم كمان خيبة الأمل ومشيوا فى الطريق عميان كلام جميل يسلم ايدك
محمد ضباشه عضو جديد
عدد المساهمات : 24
نقاط : 43 تاريخ التسجيل : 31/01/2010
العمر : 63 الموقع : http://saatelassary.ahlamontada.com/
موضوع: رد: قصيدة وسط الزحام الثلاثاء فبراير 09, 2010 12:06 pm
اتمنى ان اكون وفقت فى طرح موضوعات تعالج قضايا الساعة وما يعانية ابناء الوطن من مشكلات لكى كل الحب والتقدير