شبــــــــــــ كريزى ــــــــــــــــــاب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


تم انشاء منتدى فيونكات بنات النسائى نتمنى زيارتكم على الرابط http://fyonkatbanat.akbarmontada.com
 
الرئيسيةأحدث الصورالتسجيلدخول

 

 يوميات اسره مصريه جدااااااااااااااااا

اذهب الى الأسفل 
3 مشترك
كاتب الموضوعرسالة
soso
المدير العام
المدير العام
soso


انثى

الجوزاء

التِنِّين

عدد المساهمات : 694

نقاط : 1591
تاريخ التسجيل : 21/10/2009

العمر : 35

يوميات اسره مصريه جدااااااااااااااااا Empty
مُساهمةموضوع: يوميات اسره مصريه جدااااااااااااااااا   يوميات اسره مصريه جدااااااااااااااااا Emptyالسبت ديسمبر 19, 2009 5:08 am

الحلقة الاولى







استيقظت الأم سعاد في إرهاق واضح قبل الشروق بربع ساعة ....جاهدت لتحاول إيقاظ جسدها المجهد واللحاق بصلاة الفجر قبل الشروق ........مشيت على أطراف أصابعها كي لا توقظ زوجها الذي صلى قبلها ......توضأت وصلت الفجر وجلست لحظات ثم قامت الى المطبخ كى تحضر طعام الغداء كي يكون جاهزا عند عودتها من عملها ........


(حد فى الدنيا يصبح يقشر بصل ؟ ) تمتمت فى سرها ووجهها الوردى المشرب بحمرة يزدادا احمرارا من تقشير البصل .....سارعت لوضع اللحم ليسلق وهى تدعو الله الا يكون الجزار كالعادة ضحك على زوجها وأعطاه لحم عجوز لا ينضج الا بعد 6سنوات !!! سارعت بضرب الطماطم فى الخلاط ومدت يدها لاخراج كيس من البسلة المخلوطة بالجزر الى أعدتها بالأمس وهى تشاهد المسلسل العربى وتغالب النوم ........


.نظرت الى الساعة وجدتها السادسة والربع حالا ستبدأ غارة ايقاظ الأولاد للذهاب الى المدرسة مرت على غرفة ابنها خالد وجدته مستلقى على فراشه بالعرض والغطاء مكوم على الأرض والغرفة فى حالة فوضى كأن قنبلة نووية مرت بها وتركت ابنها حى يرزق !!!


(اصحى يا خالد يالا ح تتأخر عن المدرسة مش كل يوم تعذبنى على ما تصحى )


وأخذت تلتقط الاكواب الملقاة حول جهاز الكومبيوتر والأطباق الملقاء فوق الكتب فى سيريالية عجيبة وحاولت بصعوبة استخراج كتبه من بين الانقاض بلا جدوى !!


(اصحى يابنى بلاش غلب على الصبح !!)


فرد عليها بصوت نائم متذمر (ياماما حرام عليكى انا نايم الساعة 3 سيبينى انام شوية)


ردت بصوت غاضب اهتز له جسدها البدين ( انت غبت امبارح من المدرسة يلا علشان تروح ولا عاوز ابوك يعملها لنا حكاية ؟ انت ناسى انك فى تانية ثانوى ؟ ثانوية عامة يابنى !!! 5 دقايق والاقيك لبست هدومك !!!! )


وخرجت من غرفته حاملة كارثة متحركة من الاكواب والاطباق والاوراق وذهبت الى المطبخ .....


وخرجت لغرفة ابنتها الصغرى ملك ذات الثمانى سنوات وكالعادة صراخ وبكاء وادعاء انها مصابة بمغص رهيييييب وان فيل هندى مر على قدمها بالليل ولهذا لا تستطيع الذهاب الى المدرسة !!



خرجت الام من غرفة ملك وهى تجرى على المطبخ بعد ما شمت رائحة شياط البسلة ....وأخذت تهذى بكلمات ساخطة ( على الخلفة واللى بيخلفوها !!) وانقذت البسلة بأعجوبة ووجدت اللحم – كالعادة - مازال أمامه ساعتين كى ينضج بعد ما امتص كل المرق ومازال كجلمود صخر !!


وهنا فاض كيلها وصرخت فى كل النائمين ( حرام عليكم انا ح ألاقيها من الطبيخ ولا من الشغل ولا من تنضيف البيت ولا من المدارس .....يالا كلكم تصحوا فى دقيقة واحدة !!!!)


وكأن هذه الصرخة هى علامة الخطر بالنسبة لخالد وملك فقاموا على الفور من غرفهم وكالعادة المعركة اليومية على دخول الحمام التى انتهت بتسرب ملك كالزئبق من فتحة الحمام وتركته يتوعد لها عندما تخرج !!!!!!!



أعدت الأم الافطار ودخلت غرفتها كى ترتدى ملابسها على عجل كى تلحق بعملها فى موعدها فالأمر لا يحتمل شخطة من المدير ولا مقلب جديد من احدى الزميلات المخلصات !!!!! استيقظ زوجها محمود على حركتها وهى ترتدى ملابسها ودون أن يفتح عينيه كى لا يطير النوم منهم قال لها بصوت متذمر ( هو مفيش يوم الواحد يصحى من غير سارينة الانذار دى ؟ )


كادت ترد عليه بعصبية ولكن لم تشأ ان تبدأ يومها بخناقة وجزت على أسنانها وهى تنظر للساعة فى استغاثة ( صباح الخير يا محمود الولاد ما بيصحوش الا بالطبل البلدى .......يالا أحسن ح تتأخر على شغلك انت كمان !!)


دفن رأسه تحت المخدة وهو يقول( لسه ح انام شوية كمان !!)


تمتمت فى سرها ( هم العيال جايبينه من برة ؟) وضبطت له المنبه ليوقظه بعد ربع ساعة كى لا تقوم غارة عند عودتها انها هى من تركته نائم وانها السبب فى تأخيره !!!!



اتمت ارتداء ملابسها وخرجت وجدت خالد وملك ارتدوا ملابس المدرسة ويتناولون الافطار ....... وامسكت شعر ملك لتمشيطه وهى تأكل فاعترضت وقالت ( ياماما كده الأكل ح ينزل فى شعرى !!!)


فقالت لها فى تعجب ( ياستى اللماضة دى مش بأشوفها الا فى البيت وفى المدرسة بتسيبى البنات يضربوكى ليه ؟)


فدافعت عن نفسها وقالت (لا ياماما محدش بيضربنى ده انا اللى بأموتهم من الضرب حتى اسألى خالد....... مش كده ياخالد ؟ )


فأجاب على طريقة فؤاد المهندس (اه طبعا على يدىىىىىى !!)


فأنهت الأم الصراع المتوقع وقالت لخالد بطريقة آمرة ( خالد توصل أختك لحد باب المدرسة وما تسيبش ايديها مفهوم ؟ )


وهمت بالخروج ثم عادت لتتأكد انها أغلقت البوتاجاز ولم تترك الحنفية مفتوحة ثم مرت على غرفة ابنتها الكبرى سلمى وفتحتها بهدوء ووجدتها نائمة فى هدوء تحتضن الوسادة وكأنها تحتضن صورة فارس الاحلام وبجوارها عدة كتب يبدو انها أمضت الليل فى قراءتهم وأيقظتها بهدوء فاستيقظت وهى تبتسم لأمها وتقول ( لها صباح الخير ياقمر )


فأشرق وجه الأم لأول مرة منذ استيقاظها وقالت لابنتها فى حنان ( صباح النور ياحبيبتى .....بصى كملى سوا اللحمة واعملى الرز قبل ما اخواتك ييجوا وما تنسيش تنضفى البيت كويس .....يالا كملى نومك ياحبيبتى !!!)


فردت بصوت نصف نائم ( حاضر ياماما !!) ثم احتضنت وسادتها وأكملت أحلامها .....



نظرت اليها الأم بحنان وهمست (ربنا يعدلهالك ياسلمى يابنتى يارب !!!!!!!)




للعلم هذه القصه منقوله ياااااااااااااارب تعجبكم وانا مستنيه رايكم اكملها ولا
الرجوع الى أعلى الصفحة اذهب الى الأسفل
https://s7ababcrazy.ahlamontada.com
fofo
عضو برونزى
عضو برونزى
fofo


انثى

السرطان

الثور

عدد المساهمات : 246

نقاط : 389
تاريخ التسجيل : 23/10/2009

العمر : 74
الموقع : http://happylife-fofo.blogspot.com/
المزاج : الحمد الله


يوميات اسره مصريه جدااااااااااااااااا Empty
مُساهمةموضوع: رد: يوميات اسره مصريه جدااااااااااااااااا   يوميات اسره مصريه جدااااااااااااااااا Emptyالثلاثاء ديسمبر 22, 2009 10:01 pm

والله ياسوسو الست الموظفه دى غلبانه قوى
ما بتشوف الراحة ابدا
بس حتعمل ايه الستات .... ما باليد حيلة ....الحياة الصعبه
اجبرت معظم الستات على العمل
تعرفى الست المصريه الموظفه لها الجنة
تقبلى تحياتى
ماما فوفو وجدى
الرجوع الى أعلى الصفحة اذهب الى الأسفل
soso
المدير العام
المدير العام
soso


انثى

الجوزاء

التِنِّين

عدد المساهمات : 694

نقاط : 1591
تاريخ التسجيل : 21/10/2009

العمر : 35

يوميات اسره مصريه جدااااااااااااااااا Empty
مُساهمةموضوع: رد: يوميات اسره مصريه جدااااااااااااااااا   يوميات اسره مصريه جدااااااااااااااااا Emptyالثلاثاء فبراير 02, 2010 8:01 am

ايوا فعلا ليها الجنه بتشتغل مرتين فى البيت وفى الشغل
مرورك اسعدنى ياماما فوفو
الرجوع الى أعلى الصفحة اذهب الى الأسفل
https://s7ababcrazy.ahlamontada.com
tariq 1978
المراقب العام
المراقب العام
tariq 1978


ذكر

الاسد

الحصان

عدد المساهمات : 77

نقاط : 99
تاريخ التسجيل : 02/01/2010

العمر : 45
الموقع : العراق بغداد
المزاج : الحمد لله


يوميات اسره مصريه جدااااااااااااااااا Empty
مُساهمةموضوع: مساء الخير   يوميات اسره مصريه جدااااااااااااااااا Emptyالأربعاء فبراير 17, 2010 10:05 pm

الله يكون بعونها
فعلا البيت والشغل
مشكورة سوسو على الموضوع
تحياتي
الرجوع الى أعلى الصفحة اذهب الى الأسفل
https://s7ababcrazy.ahlamontada.com/profile.forum?mode=viewprofil
 
يوميات اسره مصريه جدااااااااااااااااا
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبــــــــــــ كريزى ــــــــــــــــــاب :: منتدى القصص والرواياتـ-
انتقل الى: